`Dağlıq Qarabağda yetişdirilən narkotik Avropaya daşınır` - Ziyafət Əsgərov
21:51 04 Dekabr 2017
"Dağlıq Qarabağ Ermənistanın işğalı altında olduğundan Azərbaycan mərkəzi hakimiyyəti ora nəzarət edə bilmir. Ona görə də orada narkotik vasitələrin yetişdirilməsi, qanunsuz dövriyyəsi, silah alveri tüğyan edir. İşğal altında olan Dağlıq Qarabağ ərazisindən narkotiklər bütün Avropa ərazisinə daşınır. Ermənilər narkotik vasitələrlə bütün Avropanı zəhərləyərək bu bəladan pul qazanırlar".
Bunu Rusiya Dövlət Dumasında “Parlamentarlar narkotiklərə qarşı” adlı beynəlxalq konfransda iştirak edən Milli Məclis sədrinin birinci müavini Ziyafət Əsgərov deyib.
O bildirib ki, konfransın sonunda dünyanın bəlası olan narkotiklərin qanunsuz dövriyyəsi ilə bağlı bəyanat qəbul olunacaq: "Sözsüz ki, bu bəyanatda konfrans iştirakçılarının narahat olduğu məsələlər öz əksini tapacaq. Əslində bəyanat qəbul etməklə iş bitmir. Lakin bütün hallarda biz bildiririk ki, bu narahatlığa son quyulsun. Bu məsələlərdə dövlətlər bir-birinə dəstək olmalıdırlar. Təəssüflər olsun ki. bəzən bir dövlətin dediyi ilə əməli uyğun gəlmir. Bir dövlət səmimi bu məsələni qoyur, digər dövlətlər isə ondan pul qazanırlar".
Z. Əsgərov terrorçuluğun da narkotiklərin qanunsuz dövriyyəsi ilə əlaqəli olduğunu nəzərə çatdırıb: "Terrorçuluğun əsas maliyyə mənbələrindən biri narkotiklərin satışından əldə olunan gəlirlərdir. Bunlar bir-biri ilə bağlı olan məsələlərdir. Konfransda qoyulan əsas məsələlərdən birincisi dünya dövlətləri və parlamentlərinin bu problemə qarşı güclərini birləşdirməsidir". (APA)
Femida.az
Oxunub: 1413
Oxşar xəbərlər
- `Dağlıq Qarabağ mövzusunda təhdidlə qarşılaşa bilərik` - Erməni deputat
- `Dağlıq Qarabağ münaqişəsinin hərbi yolla həlli yoxdur` - Stoltenberq
- `Dağlıq Qarabağ problemini yalnız Rusiya həll edə bilər` - Ərdoğan
- `Dağlıq Qarabağ Azərbaycanın ayrılmaz hissəsidir` - Prezidenti
- `Dağlıq Qarabağ məsələsində Azərbaycanın yanındayıq`- Pakistandan dəstək
- `Dağlıq Qarabağ məsələsi Rusiya üçün prioritetdir` - Zaxarova
- `Dağlıq Qarabağ problemi dondurulmuş münaqişə deyil, işğaldır`- Fransalı senator
- `Dağlıq Qarabağ digər münaqişələrdən fərqlənir` - Amerikalı həmsədr
- `Dağlıq Qarabağ problemi çox uzandı` - ABŞ səfiri
- `Dağlıq Qarabağ bizim daxili işimizdir` - İlham Əliyev